سپای رزگاری کوردستان
پێشوازی له بانگهوازهکهی "پژاک" ئهکات
"کوردیناسیۆنی پارتی ژیانی ئازادی کوردستان pjak"، له رێکهوتی 20/5/2010 دا، راگهێندراوێکی لهژێر سهردێڕی "نامهیهکی سهرکراوه لهپێناو یهکیهتی"دا بڵاوکردووهتهوه که پاش لێکدانهوهی ههلومهرجی سیاسی کوردستان و ئێران و ناوچهکه، "سازکردنی یهکیهتییهکی پتهو و بهرهیهکی یهکگرتوو له نێوان ههموو هێزه کوردییهکان و ئۆپۆزیسیۆنهکانی ئێران"ی به "تاکه رێبازی بهرهنگاربوونهوه لهبهرامبهر ئهو هێرشانهی دهکرێته سهر گهلی کورد" داناوه.
کوردیناسیۆنی پژاک، ههر له درێژهی ئهو ههڵویستهی دا هاوکات نامهیهکی فهرمی به رێکهوتی 22/5/2010 بۆ سهرکردایهتی سپای رزگاری کوردستان ناردوه. لهم نامهیهدا وێڕای لێکدانهوهیهک له بارودۆخی سیاسی کورد له ناوچهکهدا و ئهو ههڕهشانهی لهسهریهتی، داخوازی پێکهێنانی یهکیهتی و بهرهیهکی یهکگرتووی دووپات کردووهتهوه. ههروهها لهم نامهیهدا، کوردیناسیۆنی پژاک لهپێناو "تاوتوێکردن وهاوکات دیتنهوهی رێبازهکانی بهرهنگار بوونهوه له بهرامبهر ئهو هێرشانه و ههروهها لهپێناو ههنگاو نانهوه بۆ سازکردنی بهرهیهکی دیمۆکراتیک و یهکگرتوو بهتایبهت له نێوان هێزهکانی رۆژههڵاتی کوردستان" بانگهێشتی سهرکردایهتی سپای رزگاری کوردستانی کردووه بۆ سازدانی چاوپێکهوتنێکی راستهوخۆ.
کۆمیتهی سهرکردایهتی سپای رزگاری کوردستان پاش لێکدانهوه و ههڵسهنگاندنی پێشنیار و بانگهێشتهکهی کۆردیناسیۆنی پژاک، بهمجۆرهی خوارهوه لهسهری ساخ بووهتهوه:
1- خهباتی گهلی کورد خهباتێکی رزگاریخوازیی نهتهوهییه، ههمووانییه و تایبهت به چین و توێژێکی تایبهت نییه. سهرکهوتنی ئهم خهباته له گرهوی تهبایی و یهکیهتی نێوان ههموو ئهو چین و توێژانهدایه.
2- کوردستان کۆمهڵگایهکی فره چهشن و فره حیزبیه و رهوت و هێز و رێبازی سیاسیی جیاوازی تییایه. پهیوهندی دیمۆکراتیک و شارستانیانهی نێوان ئهم هێزانه و هاوکاری نێوانیان کاریگهری راستهوخۆی لهسهر یهکڕیزی گهل و سهرکهوتنی خهباتهکهی ههیه. هیچ حیزب و دوو حیزبێک به تهنیا توانای یهکخستنی ریزهکانی خهڵکی نییه و ههموو پێکهوه ئهتوانین ئهو کاره بکهین.
3- سپای رزگاری کوردستان له دهوری نوێی خهباتیدا و له یهکهم راگهێندراوی کۆمیتهی ساخکهرهوهی رزگاری و پاشان کۆنفرانسی یهکهم و پهسندکراوهکانیدا، بایهخی تهواوی داوه به مهسهلهی هاوکاری و یهکیهتی نێوان هێزه سیاسییهکانی، کوردستان. بۆیه مهسهلهی یهکێتی و هاوکاریی نێوان هێزه سیاسییهکانی کوردستان، لای ئێمه سیاسهتێکی جێکهوتوو و نهگۆڕه.
به لهبهرچاوگرتنی ئهو خاڵانهی سهرهوه، کۆمیتهی سهرکردایهتی سپای رزگاری کوردستان، بانگهواز و پێشنیارهکهی کۆردیناسیۆنی پژاک، به ههنگاوێکی باش دهنرخێنێ و پێشوازی لهو سیاسهته ئهکات و ئامادهیه بۆ چاوپێکهوتنی راستهوخۆ لهسهر ئهو بابهته و مهسهلهکانی دیکهی جێی گرینگی پێدانی ههر دوولا.
سپای رزگاری کوردستان، ئاواتی ئهوه ئهخوازێ که ههموو هێز و لایهنه سیاسییهکانی کوردستان، رێگای تهبایی و یهکیهتی بگرنهبهر و واز له ناکۆکی لهسهر کێشه حیزبایهتی بێنن و لهپێناو کوردایهتیدا رێگای یهکیهتی و یهکگرتن بگرنهبهر.
سپای رزگاری کوردستان
2010-06-27
www.spayrzgari.com
E-mail: sr.kurdistan@gmail.com
E-mail: spayrzgari@yahoo.com
Kurdistan Mobil: 07507825750
INT: + 964 750 7825750
