خه‌م ره‌وێن

خه‌م ره‌وێن گێرانه‌وه‌ی ئه‌و قسه‌ خۆش و نه‌سته‌قانه‌یه‌ که‌ له‌ کۆمه‌ڵگادا بۆ ره‌خنه‌ گرتن، یا گاڵته‌و پێکه‌نین ده‌م به‌ ده‌م ده‌گێردرێنه‌وه‌. کاریگه‌ری هه‌رکام له‌م قسه‌ نه‌سته‌قانه‌ پێوه‌ندی به‌ زه‌وقی گێره‌وه‌که‌ی هه‌یه‌ تا چ راده‌یه‌ک به‌رانبه‌ره‌که‌ی پێده‌که‌نێنێ، یا له‌ مه‌به‌ستێ تێی ده‌گه‌ینێ. ئه‌م کرده‌وه‌و ئاکارانه‌ له‌ ژیانی رۆژانه‌دا روو ده‌ده‌ن و گێره‌وه‌ش زۆرجار بۆ گاڵته‌جاڕی پێچه‌وانه‌ی شته‌که‌ نیشان ده‌دا، یا زۆرجار لێیشی زیاد ده‌که‌ن. له‌م شێوازه‌ ئه‌ده‌بیه‌ی کۆمه‌ڵدا، زۆر جار ژیری و وریایی و حازر وه‌ڵامی تاکی کۆمه‌ڵ و هێندێک جاریش گێلی و ساویلکه‌یی نیشان ده‌ده‌ن.

جا خوێنه‌ری به‌ڕێز تۆش به‌ سه‌لیقه‌ی خۆت چێژه‌ ئه‌ده‌بییه‌که‌ی له‌ پێش چاو بگره‌و هه‌رچیت لایه‌ بۆ ئه‌م به‌شه‌ی ره‌وانه‌ بکه‌.