ئێمە حەقمانە بە شانازی و ڕوسووری بەرگری لە ڕێبەرانی شەهید و شەهیدان بکەین
ئێمە واتە ئۆردوگای رومادی لە ڕۆژانی سەخت و ناخۆشدا و لە ڕۆژانی خۆشدا هەر پشت و پشتیوانی جوڵانەوەی ڕزگاری خوازیی کوردستان بووین و هەین و بە تایبەت حدکا، لە سی ساڵی ڕابوردوودا ئوردوگای رومادی سوتەمەنی شۆڕش بووە، پشتیوانی و خۆشەویستی ئۆردوگای رومادی بۆ ڕێبەرانی شەهید د. قاسملوو و د. شەرەفکەندی زۆر بێ وێنەیە تا ئەو کاتەی لەژیان دا ماون و دوای شەهید بوونیان ئەمە مێژووی دوورو دڕێژی خۆی هەیە.
لە ساڵی 1357خەڵکی ئۆردوگای رومادی کە %98 خەڵکەکە دانیشتوانی پارێزگای کرماشانن چالاکانە بە شداریان لە رووخانی ڕێژیمی پاشایی کرد بەڵام بە داخەوە هەر زوو شۆڕشی گەلانی ئێران لە لایەن ئاخوندە فێڵ بازەکانەوە بە هۆی نفوزی ئاینی و فریوکاری توانیان دەسکەوتەکانی شۆڕشی گەلانی ئێران بدزن و ڕێبازی ڕاستەقینەی شۆڕشی گەلانی ئێران بە لاڕێدا بەرن و توانیان زۆربەی گەلانی ئێران فریو بدەن و تەنانەت حیزبە سیاسیەکانیش، بەرماڵیان کردە کۆڵی ڕێبەری حیزبی توودە، ئینشعابیان خستە نێو چریکی فەدایی، گروپی حەوت کەسی، مامە غەنی و...هتد، ولەم دوایانە ئینشعابەکانی حیزب وڕێکخراوەکانی کوردستانی ئێران دەستی ڕێژیمی کۆماری ئیسلامی تیایە و دوایش دەر دەکەوێ ئەوانە وا خۆیان خستە داو و فریوی کەڕوبیان خوارد دوای سی ساڵ خەبات و هەزاران شەهید و بریندار دان و ماڵ وێرانی و دەر بەدەری دانیان بە ڕێژیمی ئاخوندەکان نیاو دەنگیان بۆ دا، لە حاڵێک دا سی ساڵە خەڵکی کوردستان و حدکا بە ڕەنج و خوێن ئەو ڕێژیمەیان بە تەواوی رەد کردووەتەوە بەڵام دەنگدان بە ڕێژێم یانی تۆ ڕێژیمێکی خەڵکیت، ئەوە لەکاتێکدایە کە ڕێژیم کزو و لاواز بووە، لە حاڵێکدایە کە گەڵانی ماف خوراوی ئێران هاتوونەتە ریزی گەلی کوردەوە و تەواوی دونیا دژی رێژیم وەستاوە تۆ بڕۆیت مەشروعیەت بە ڕێژیم بدەی و دەست بە پشتیەوە بگری دەنگ بە کەڕوبی بدەن دەنگ بە کڕوبی واتە دەنگ بە ڕێژیم. ئەو هەڵە گەورەو مێژوویە بۆ ئەوانە زۆر قورس و گران تەواو دەبێ! وتووێژ چتێکیترە و دانپێنان شتێکیترە وەک مرۆڤێکی ئازاد و مرۆڤێک لە زندانی سیاسیدا ئاوا فەرقی هەیە. کەڕوبی، خامنەیی و ئەحمەدینژاد، رەفسەنجانی و موسەوی هێچ فەرقیان نییە هەمویان جنایەتکارن ئەوە تاکتیکی خۆیانە بۆ فریو دان و دۆزینەوەی نیارانی ڕێژیم و لە نێو بردنیان. بەڵام بێجگە لە کەسانێکی زۆر کەم گەلی کورد بە ڕێبەری حدکا و بە تایبەت بە ڕێبەری زانا و شارەزاو هۆشیار د. قاسملوو ڕێژیمی ئاخوندیان هەر زوو رەد کردەوە، خەڵکی ئۆردوگای رومادیش هەر زوو دژی ڕێژیمی تازە بە دەسڵات گەیشتوو ڕاوەستان چونکە ئاخوندەکان هەر ڕوژە بیانکەیەکیان بە خەڵک دەگرد بۆ نمونە ڕێژیم دەیگوت دەبێ ئێوە ئەو کەسانە بەشداریان لە شەڕی پاوە کردووە و هاوکاری زدی ئینقلابیانن کردووە، زدی ئینقلاب مەبەستی حدکا بوو ئەوانە وەک بزنێکی گەڕ وان دەبێ بیان گرنو تەحویلی ئێمەی بدەن، خەڵکیش حازر نەبوون بە هیچ شێوەیەک ئەو کارە بکەن من خۆم بە چاوی خۆم بینیم پاسدار ئازەربون دەمانچەیەکی نیا بە سەر پیاوێکی بە تەمن و پیاوە بە تەمەنەکە هەر لەو کاتدا شایتومانی هێنا و هەر ڕۆژ بە لێدان هەڕەشەو و ترس و توقاندن، کارەساتی دڵتەزێنی ئاوای تەپانی و دەیان نمونەی دیکە خەڵک بە تەواوی هەراسان بوبوون بۆیە خەڵکی ئۆردوگای رومادی هەر لە ساڵی 1357 کە حازر نەبوون فریوی ئاخوندەکان بخۆن زوڵم و زۆر قەبوڵ بکەن بە ناچاری خاک و نیشتمانی خۆشەویشتی خۆیان بە جێ هێشت بەرەو کوردستانی ئێراق هەڵ هاتن هەر لەو کاتەوە ژیانێکی سەخت و دژوار بۆ ئەم خەڵکە دەستی پێ کرد. ئەمە داستانێکی زۆر دوورو دڕێژە بەڵام من زۆر بە کورتی باسی دەکەم. هەر لەو کاتە کە خەڵک لە دەستی دیکتاتۆریک هەڵ هاتوو بوون دووبارە دەستەو یەقەی دیکتاتۆریکی دیکە بوونەوە ئەوێش ڕێژمی بەعسی ئێراق بوو کە داوای لە خەڵک دەکرد کە هاوکاری بکەن بەڵام خەڵکی ئۆردوگای رومادی بۆ جارێکی دیکە فریوی ڕێژیمی بەعسیشیان نەخوارد و خەڵک ژن و منداڵەکاناین لە کوردستانی باشوور لە ئۆردوگاکان بە جێ دەهێڵاو پۆل پۆل ڕوویان لە ڕیزەکانی حدکا دەکرد و دەبوون بە پێشمەرگە هەر لەبەر ئەوە بوو کە ڕێژیمی بەعس دژ کردەوەی لە خۆ نیشان دا دژ بە خەڵکی ئۆردوگای رومادی کە من لە دڵەوە ناوم ناوە ( هێزی ئاوارە) بە دوو هۆ یەکەمیان ئەوە بوو کە ئەو خەڵکە فریوی ڕێژیمی بەعسی نەخوارد و داوەکیان رەد کردەوە دووەم ئەوە بوو کە خەڵک ڕێگای ڕاستی و شۆڕش و حدکایان هەڵبژارد. بۆیە ڕێژیمی بەعس بڕیاری دا ئەم خەڵکە بێ تاوانە وەک ئەنفال و هەڵبجە ئاسا لە نێویان بەرێ هەر ئەو کات لە ساڵی 1982 لە ناکاو بێ هیچ ئاگاداریکە بە هێزی سەربازی دە ڕژانە نێو ئۆردوگای پەنابەران بە ئوتومبیلی سەربازی بە زۆر و ترسو تۆقاندن خەڵکیان فر دەدایە نێو ئوتومبیلی سەربازی بەرو خواروی عیراق بۆ شوێنێکی نادیار لە ڕاستیدا خەڵکی ئۆردوگای رومادی بەر لە هەڵبجە و ئەنفال یەکەمین قوربانی کوردی بە کۆمەڵ کە نزیک بە پەنجا هەزار کەس دەبوون کەوتنە بەر هەڕەشەی مەرگ لە لایەن ڕێژێمی بەعسەوە.
ئەو جێگایە کە ئێستا بە ئۆردوگای رومادی ناوی دەرکردووە سەحرایەکە، دەشتێکی چۆڵ و هۆڵ دەکەوێتە چەندین کیلومتری لە خواروی شاری رومادی کە ئەو کاتە خەڵکیان فرە دایە ناو ئەو خاک و خۆڵە نزیک بە سی تا چل سانتیمتر خۆڵی شی تیا بووە بێ ئاو بێ بەرق بێ هێچ یارمەتێکی سەرەتای زۆر خەڵک پێ یان وا بوو کە ئەم ئۆردوگا دەبێتە ئۆردوگاکانی ئەڵمانی نازی، بە پێ زانیاری سەدان ساڵە کەس لەو جێگایە نەژیاوە بەڵام دەڵێن قەومی لووت لەوێ ژیاون و دوایی هەمویان لە نێو چوون.
بەڵام خەڵکی ئۆردوگا حازر بوون هەموو سەختیەک بکێشن بەڵام فریو نەخۆن و یاری بە چارەنوسیان نەکرێ خەڵک قۆڵی لێ هەڵ ماڵی بە زەحمەت ئارەقی نێو چاوان و بێ یارمەتی دەوڵەتی عێراق و هێچ ڕێکخراوێکی مرۆڤ دۆست ماڵیان بۆ خۆیان دروست کرد لە لم و خۆڵ خشتیان دروست کرد ژنان و کچان لە ڕێگایەکی دوور ئاوی پیسیان بە سەر دەهاورد کە کەڵکی خواردنی نە بوو تەنیا بۆ دروست کردنی خشت و دامەزراندنی ماڵ بوو هەموو ماڵی شیاویان بۆ خۆ دروست کرد بە خشتی لم و خۆڵ و دەر و ناوی دیوار بە گەچ خشتەکەیان داپۆشی بوو و ناوی ماڵیان سیمان کرد بوو دوای چەند ساڵ خاجی سوور هاتە ئۆردوگا یەکێک لە کارمەندانی خاجی سوور لە خەڵک پرسیاری کرد گوتی ئەم ماڵانە کێ بۆی چاک کردوون خەڵک گوتیان خۆمان بێ یارمەتی هێچ لایەنیک چاکمان کردووە کارمەندەکەی خاجی سوور گوتی زۆر وڵات گەڕاوم میللەتی وەک ئێوە ئازام نەدیووە! گوتی بەڕاستی ئیوە بتانخەنە نێو دەریاش ناخنکێن.
ژیان بەردەوامە چواردەوری ئۆردوگا تەل بەنی کراوە بەندیخانەیەکی گەورە بوو تەنیا دەرگایە هەبوو بۆ هاتوو چۆ خەڵک هەوڵیان دەدا بەڵگەیکی هاتوو چۆ دەس خەن بۆ ئەوەی بڕۆن بۆ کار کردن یان کاسپی بۆ ئەوەی پارویە نان بۆ خێزانەکانین پەیدا کەن هەر کەسێک ئەو بەڵگیە دەس کەوتایە لانی کەم لە لایەن پلیس ( شورتە) سێ تا چورا لێ دان بە لولەی ئاوی لاسیکین ( سۆندە) لە سەر پشت و سەر و دەموچاو دەدرا ئەم شکەنجەیە رۆژانە بوو بەڵام خەڵک دەستیان لە کەس پان نەکردەوە بە رەنج و ئارەقەی نێو چاوانیان نەیان هێشت مندالەکانیان برسی بێ. بەڵام خەڵک سەدان کیلومتر لە کوردستان دووربوون دەستەو یەقەی ژیانێکی سەخت و دژوار بوون بەڵام کوردستان و شۆڕش و جوڵانەوەیان لە بیر نەکرد. لاوەکان پۆل پۆل دەگەڕانەوە بۆ پێشمەرگایەتی و گەرم و گوڕ ڕاگردنی شۆڕش، گەڕانەوە بۆ ڕیزەکانی حیزب کارێکی زۆر زەحمەت بوو بەڵگەی هاتوو چۆ نەبوو حدکاحازر نەبوو تەنانەت بۆ بردنەوەی لاوەکان بۆ پێشمەرگایەتی ئمتیاز بە ڕێژیمی ئێراق بدا سەربەخۆی سیاسی لە هەموو شتیک بە گرنگتر دەزانی بەڵام خەڵکەی ئۆردوگا دەستە ئەژنۆ دانەنیشتن خۆیان ئەم ئەرکە پیرۆزەیان بە ئەستۆ گرد کەسانێک بوون شۆفێری ئۆتومبیلی شارەوانی بوون ئەو ئۆتومبیلانە قەدەغە بوون لە شار دەرچن بەڵام ئەو کەسانەی ئۆردوگا بێ وەرگردنی هیچ، بێ برامبەر لاوەکانین بەو ئۆتومبیلانە دەگیاندە شاری بەغدا کە 100 کیلومتر لە رومادیەوە دوورە ئەگەر ڕێژیمی بەعس بیزانایە توشی سزای تووند دەبوونەوە بەڵام ئەو خەڵکە چاو نەترسە حازر بوون بۆ هەموو فیداکاریەک بۆ حدکا بۆ گەل و نیشتمان بۆ بەردەوامی خەبات دژی داگیر کەران و بۆ ئەوەی ڕۆژیک لە ڕوژان بە سەر بەرزیەوە بەگەڕینەوە.
خەڵکی ئۆردوگای رومادی ڕەنج و کوێرەوەرێکی زۆر زۆریان كێشاوە سەدان کەس تووشی نەخۆشی جۆراوجۆر و ترسناک بوون ئەوانەی لە ژیاندا ماون ئێستاش شەو و ڕۆژ بە دەستی ئازارەکانیانەوە دەناڵێنن.
خەڵکی ئۆردوگای رومادی لە ماوەی سی ساڵی ڕابوردو سووتەمەنی شۆڕش و جوڵانەوەی حەقخوازانەی خەڵکی کوردستانی ئێران بوون و بە پێشکەشکردنی یارمەتی گیانی، ماددی، دەرمانی و مەعنەوی هیچ درێغیەکیان نەکردووە هەموو ماڵێکی ئۆردوگا بنکەی حدکا و ڕێکخراوەکانی دیکە بووە و هەموو کەس تامەزرۆی دیتنی هاو سەنگەرانی د. قاسملوو و د. شەرەفکەندی بوون ئەوانەی سەنگەریان چۆڵ نەکرد و پشتی ئەوانیان گرد.
با دۆستان و نەیاران بزانن کە خەڵکی ئۆردوگا نە بۆ کورسی و دەسڵات دەگەڕێ نە بۆ بەرژەوەندی شەخسی چونکە ئەم شتانە لە لای مرۆڤی شۆڕشگێری ڕاستەقینە جێگای نییە، هەر ئەو شتانەن کەسانی شۆڕشگێر لە ڕێگا هەڵە ئەکەن و لە ڕێگای ڕاستی لائەدەن سەریان ئەخوا و خەڵک بێزار دەبێ لێیان. ئێمەش ڕۆژێک لە ڕۆژان پێشمەرگایەتیمان کردووە بەردیکمان لە سەر دامەزراندی قڵای شۆڕش داناوە ئێمەش سەردەمانێک ماڵ بە ماڵ گەڕاوین و یارمەتیمان بۆ حدکا و شۆڕش و پێشمەرگە کۆ کردوەتەوە ئێمەش ئەو حەقەمان هەیە لە سەر مەسەلەیەکی چارەنووس ساز ڕاو بۆچونی خۆمان دەربڕین. خەڵکی ئۆردوگا دژی فریودانە و نایەڵێ هێچ ڕێژیم و هێزو لایەنێک یاری بە چارەنووسی بکەن حازر بووە ئاوارەیی و دەربەدەری بکێشێ لە نێو خاک و خۆڵ بخنکێ بەڵام فریو و فێڵی قەبوڵ نەکردووە ئەوەش مێژووی شایەتە، تەنیا و تەنیا عاشقی رزگاری کوردستانە لە چنگی داگیرگەران بۆیە هێزی ئاوارە ئەم هێزی گەورە و شاراوە کە شەو و ڕۆژ لە جموجول دایە پێی وایە بێ هۆشیاری و وریایی تەواو ناتوانرێ بە مەنزڵگای سەرکەوتن بەگەین. ئەم هێزە بیست ساڵ پێش نزیک بە پەنجا هەزار کەس بووە بەڵام ئێستا نزیک بە هەشتا تا سەد هەزار کەسە ئەم هێزە یەکێکە لە گەورەترین و بەر بڵاوترین هێزەکانی حدکا لە باری تەشکیلاتیەوە کە لە زۆر جێگا جێگیر بووە.
بۆ نمونە پێشمەرگەی زەحمەتکێشی وەک شەهید خاڵۆ مەجید شیرین گفتار کە نزیک بە سی ساڵ لە ماڵ و منداڵی دوور بوو و شەو و ڕوژ لە خزمەتی حدکا بوو کاتێکێش ساڵیک جارێ دەهاتەو بۆ سەردان هەر ڕۆژی دوای ئەهات بۆ لای من ئەی گوت بیرو با بڕۆێن هەم سەردانی خەڵک بەکەین و هەم بەڵگەی یارمەتی بفرۆشین چەند جارێک پێکەوە ڕۆیشتین خاڵۆ مەجید ڕێزێکی تایبەتی هەبوو لە لای خەڵکی ئۆردوگا ئێمە پێکەوە ماڵ بە ماڵ بەڵگەی یارمەتیمان دەفرۆشت چوونە ماڵی کویخا سڵێمان ئەلیارکی گوتی خاڵۆ مەجید نەک بەڵگەی یارمەتی ئەنێنە سەر چاومان من حازرم شەواڵەکەی پێم بفروشم بۆ پێشمەرگەی حدکا ئەم بەرخوردە کوردانە دڵی من و خاڵۆ مەجیدی زۆر خۆش کرد ئەمە معنایەکەی زۆر گەورەی هەبوو، چووینە ماڵێکی دیکە کەسێکی دیکە بە ناوی عەبدوڵرحمان خەیات گوتی بەڵگەی یارمەتی لە سەر سەرم دادەنێم من بەڵگەی یارمەتی دەسێنم بۆ ئەوەی دەنگی ڕادیو دەنگی کوردستان ئێران هەر ئاوا بەردەوام بێ، گوتی ئەو دەنگە هەناسەی ئێمەیە تا ئەو دەنگە بـمێنی ئێمەش هەناسە دەدێن و ئەژین بەڵێ ئەمە مشتێکەن لە خەروار. خاڵۆ مەجید لە کاتی پشوو و حەسانەوەدا پشووی نەدەدا لە خەمی هاوسەنگەرانی بوو و کاتێک دەگەرایەوە بۆ لای هاو سەنگەرانی بە کۆڵ و باری قورسەوە دەگەرایەوە خزمەتی خاڵۆ مەجید هەر ئەمە نییە لە کاتی شۆڕشی ئەیلوڵ خاڵۆ مەجید لە کوردستانی ئێران ماڵ بە ماڵ گەڕاوە نان و خواردنی کۆ کردووەتەوە و بردویە بۆ کوردستانی ئێراق بۆ پێشمەرگەکانی شۆڕشی ئەیلول کە ماڵیان لە سنووری دەستکرد نزیک بووە خاڵۆ مەجید سنووری نەناسیووە بە دەستکردی زانیوە.
شەهید عبدوڵا زارعی ژن و منداڵە ساوەکانی لە ئۆردوگا رومادی بە جێ هێشتبوو وەک قوربانی شۆڕش ئەوە لە حاڵێکدا بوو کە باوک و دایکێکی بە تەمەنی هەبوو و تەنیا برایەکەی نابینای هەبوو بەڵام بیرو بڕوای پۆڵاینی کاک عبدوڵا ئەوەندە بە هێز بوو تا کاتی شەهید بوونی سەنگەری شەرەف و کەرامەتی چۆڵ نەکرد و دەیان نمونەی دیکە.
شۆڕشی ئەیلول: دەیان کەس لەم خەڵکە بەشداری شۆڕشی ئەیلول بوون خەڵکی کوردستانی باشوور لە سەردەمی شۆڕشی ئەیلول چەند جار ئاوارە بوون و هەڵ هاتوون بۆ کوردستانی ڕۆژهەڵات ماڵەکانی خەڵکی ئۆردوگای رومادی ماڵی دووەمی ئەوان بووە نەک هەر خۆیان بەڵکو ماڵ و مەڕ وماڵاتیشیان لە گەڵ خۆیان هێناوە و بە دڵێکی پڕ لە خۆشەویستی لە خزمەتیان بوون تا ئەو کاتەی دوبارە گەراونەتەوە خەڵکی ئەو دیو و ئەم دیو زۆربەیان خزم و کەس و کار یەکەن تەنیا بە سنووری دەستکرد وەک کوریای باکوور و باشوور دابەش کراون.
ڕاپەڕینی ساڵی 1991: لە کاتی ڕاپەڕینی دژی ڕێژیمی بەعس لە هەر کوچە و کۆلانێکی ئۆردوگا ڕێت بکردایە بە ئاسانی گوێت لە ئیزگەی دەنگی گەلی کوردستان بوو بە چەند کەسێک لە دەوری کۆ بوونەوە و گوێیان بۆ ئازاد کردنی یەک لە دوای یەکی شارەکانی کوردستانی ئێراق ڕادەگرت، ئەوە لە کاتێک دا بوو کە ڕێژیمی بەعس لە ناوچە عەرب نشینەکان بە تایبەت سونە نشین کە ئۆردوگای رومادیش لەوی هەڵکەوتوبوو لەو کاتەدا بەعس ئاسنی بە ساردی دەکوتا بەڵام خەڵکی ئۆردوگای چاو نەترس لە خۆشی و هەستی شۆڕشگێری، ڕێژیمی ترس و تۆقاندن و کوشت و بڕیان لە بیر چووبوو وا هەستیان دەکرد ئۆردوگایش شاریەکە لە شارەکانی کوردستانی عێراق و ڕزگار بووە.
دوای کۆنگرەی هەشت جەماعەتێک لە ڕێگای دێموکرات لایاندا دوایی خەڵک ناویان نان لادەران لەو سەردەمەدا ئۆردوگای رومادی بڕیاری چارەنووس سازی دەدا ڕیگای ڕاست هەڵدەبژێرێ یان هەڵە هەر لەو کاتەدا شەهید کاک سەید سەلامی عەزیزی ئەندامی دەفتەری سیاسی بە نوینەرایەتی دەفتەری سیاسی حدکا هاتە ئۆردوگاو لە یەکێک لە مزگەوتەکانی ئۆردوگا بە دەنگێکی زۆر هەست بزوێن و شۆڕشگێڕانە قسەی بۆ خەڵک دەکرد هەستێکی شۆڕشگێڕانە سەر تا پای لەشی خەڵکی داگردبوو و فرمێسکی گەرمی بە خۆڕ تێکەڵ بە رق و هەستی شۆڕشگێڕانە بۆ پەیمان نویکردنەوە لە گەڵ حدکا حیزبەکەی د. قاسملوو، کاک سید سەلامی عەزیزی گوتی بە ڕۆیشتنی ئەو کەسانە کە لە ڕێبازی دێموکرات لایان داوە حدکا لاواز نابێ و ناتوانن دڵی خەڵک سارد کەنەوە گوتی حیزبێک کە پێشمەرگاکانی 72 سەعات بەربەرەکانێ بکەن لە گەڵ دوژمن و داگیرکەر، قومام بخۆن و شێرانە ڕابوەستن چۆن حیزبکی ئاوا لاواز دەبێ گوتی دڵنیاتان دەکەینەوە حدکا هەر ئاوا قورسو قایم لە مەیدان دەمێنێتەوە و داوای لە خەڵکی ئۆردوگا کە پشتیوانی حدکا و د. قاسمللو بەکەن خەڵکێش پەیمانیان نوی کردەوە و بە دڵێکی پڕ لە هەستی شۆڕشگێڕانە بە هەموو هێزەوە پشتیوانی حدکا و د. قاسملوو بێ و دوایی بە دۆستان و نەیارانیان نیشانیان دا.
دوای گونگرەی سێزدە ئەو جەماعەتەی لە ڕێبازی دێموکرات لایان دا. کاک مستەفا هیجری گوتی بە چوونی کەسێک یان کەسانێک حدکا لاواز نابێ و هەر ئەو نفوزو پرستیژەی دەمێنی و دەیپارێزێ.
ووتەکان و بەڵێن و دڵنیاکردنەوەی کاک سەید سەلامی عەزیزی نوێنەری دەفتەری سیاسی دوای کونگرەی هەشت لە ئۆردوگای رومادی و ووتەکان و بەڵێن ودڵنیاکردنەوەی خەڵکی کوردستان لە لایەن کاک مستەفا هیجری دوای کۆنگرەی سێزدە لە دوو مەرحەلەی تاریخی حدکادا وەک نەخشی سەر بەردی بێستون ڕاست و مێژووی دەرچوون. بەڵگەی حاشاهەلنەگریش ئەوەیە: زیاتر لە بیست ساڵ لەو دوو مەرحەلە تێ دەپەڕێ حدکا هەر ئاوا قورس و قایم لە مەیداندا ماوە و هەر ئەو نفوزو پرستیژەی خۆیە ماوە وپاراستویەتی.
هەر کاتێک کادر و پێشمەرگەکانی حدکا دەهاتن بۆ ئوردوگا بە باوەشێکی ئاواڵەوە ئەڕۆێشتن بە پیریانەو گوڵ بارانیان دەکردن کاتێک کاک د. خەلیقی ئەندامی کومیتەی ناوەندی ئەو کات چەند ڕۆژ لە دوای یەک قسەی بۆ خەڵک دەکرد هەزاران کەس لە خەڵکی ئۆردوگا لە نێو خاک و خۆڵ و گەرمای 40 تا 50 دەرەجە بێ ماندوو بوون گوێیان بۆ ڕادەگرد. کاتێک شەهید کاک غەفور هەمزەی ئەندامی کومیتەی ناوەندی هاتە ئۆردوگا و هەزاران کەس چاوەڕوانی هەڵگری پیامێک گرنگ بوون ئەویش خەڵات بۆ د، قاسملوو واتە مامۆستای بێ هاوتا.
کاتی شەهید بوونی د. قاسملوو و د. شەرەفکەندی ئۆردوگا ڕەشی پۆشی هەزاران ئاڵای ڕەش لە سەر بانەکان هەڵکرا ئۆردوگا بێ دەنگ و تازیەبار بوو، شیوەن و ڕۆڕۆی هەزاران دایک و خۆشکی ئۆردوگا کە ئەو کات لە ڕادیو دەنگی کوردستانی ئێران بەڵاوبوەوە کوردستانی هەژاند و ڕێژیمی تروریست پەروەری ئاخوندەکانی تاساند دڵی خستنە لەرزە ئەو وەخت زانیان کە هەڵەی گەورەیان کردووە کە دایکی نیشتمان تەنیا دوو تاقانەی نییە بەڵکوو هەزاران شۆڕە سواری هەیە و بە ڕێوەیە تا دەگەنە سەر کۆشکی جەهل و زۆرداری و دەیڕوخێنن بانگی ئازادی لێ ئەدەن.
خەڵکی ئۆردوگا پشتی ئەوانە دەگرێ و متمانەی بە وانە هەیە دەهاتنە ئۆردوگا لە لایەن خەڵکەوە گۆڵ باران دەکریان، نەک بە پێچەوانە.
ڕێژیمی ئاخوندەکان تەنیا و تەنیا لە حدکا دەترسێ لە ڕێبوارانی مامۆستای بێ هاوتا و تەنیا هێزێکە لە ڕێژیم حیسابی بوو دەکا چ وەک هێزی ئێرانی و کوردستانی چونکە نێتوانیە و ناتوانی فریوی بدا وەک هێزکانی دیکە و سی ساڵ خەباتی بێ وچان و پشتیوانی بێ وێنەی خەڵک لە حدکا ، هەر ئەوە بووە تا ئێستا دوو ڕێبەری ترورو شەهید کردووە ڕوخان و لە نێو چوونی خۆی لە بوونی حدکا دەبینێ.
من داوام لە خەڵکی ئۆردوگا ئەوەیە با جارێکی تر ئەو ڕۆژانە ئەو شانازیان یاد کەینەوە کاتێک کاک سەید سەلامی عەزیزی هاتە ئۆردوگا، کاتێک کاک د. خەلیقی و کاک غەفور هەمزەی هەزاران کەس پێشوازیان لێ دەکردن کاتێک ئۆردوگا بۆ ڕێبەرانی شەهید سەر تا پا ڕەشی پۆشی. شیوەن و ڕوڕۆی دایکان و خوشکان بۆ ڕێبەرانی شەهید ئەو هەموو کار و تێکۆشانە بۆ خزمەت بە حدکا و شۆڕش با شانازیەکی دیکە بخەینە سەر ئەو شانازیانی مێژووی خەڵکەی ئۆردوگا با بۆ جارێکیتر بیسەلمینین کە ئێمە ئەو هێزەین و ئەتوانین ئەو بەفر و سەهۆڵانە بڕەوێنینەوە و ڕێگای کاروانی خەبات ئاواڵە کەێنەوە، با جارێکی دیکە پشتیوانی و پەیمان نوێکردنەوەی خۆمان لە گەڵ حدکا و کاک مستەفا هیجری نوێ کەینەوە هەر چۆن بۆ د. قاسملوو و د. شەرەفکەندی کردمان با بە بەڕێز هیجری بڵێن بەڕێزتان قوتابی و جیگای بڕوای ڕێبەرانی شەهید بووی تا ئێستا سیاست و ئسوول و پرەنسیپەکانی حیزبت پاراستووە هەر لەو چوار چێوە حەرەکەت دەکەی کە د. قاسملوو و د. شەرەفکەندی حەرەکەتیان دەکرد هەر چۆن خەڵاتی پشتیوانی و خۆشەویستی و متمانەمان بە وان بە خشی، ئێستا بەڕێزتان خۆشەویستی خەڵکی ئۆردوگای بۆیە ئەو خەڵاتە پیرۆزە بە بەڕێزتان دەبەخشین ئەڵێن لە قوڵای دڵمانەوە پیرۆزت بێ.
سڵاو بۆ گیانی پاکی شەهیدان
سڵاو بۆ پێشمەرگە قارەمانەکان
سڵاو بۆ خەڵکی کوردستان
سڵاو بۆ خەڵکی ئۆردوگای رومادی
بۆ پێشەوە بێ سڵکردن تا سەر کەوتن
هۆشیار
11-04-2010
